Bilbo: Emisio Gutxiko Eremuaren urtea, aurrerapausoak eta erronkak.

15/06/2025

Bilboko Emisio Gutxiko Eremua (ZBE) 2024ko ekainaren 15ean sartu zen indarrean, airearen kalitatea hobetzeko eta mugikortasun iraunkorragoa sustatzeko helburuarekin. Urtebete geroago, hiri osasuntsuago eta eraginkorrago baten aldeko apustu sendotzat finkatu da ekimen hau

Herritarren babesa, gero eta handiagoa
Hala baieztatu dute Ikerfelek Bilboko Udalarentzat egin berri duen ikerketa batean jasotako datuek:

• Egoiliarren %56ak babesten du ZBE.
• %66k bizi-kalitatea hobetuko dela uste dute.
• %82 garraiobide iraunkorrak erabiltzeko prest dago.
  2008an herritarren % 30ek trafikoa eta garraioa aipatzen bazituen bere kezka nagusien artean, gaur egun % 20ra jaitsi da kopuru hori, eta horrek hiri-mugikortasunaren pertzepzioa eraldatu egin dela islatzen du.

Ageriko hobekuntzak
Indarrean sartu zenetik, ZBEk lagundu egin du emisio kutsatzaileak murrizten, garraio publikoa eta bizikleta gehiago erabiltzea sustatzen, eta hiriguneak ingurune irisgarriago eta atseginago bihurtzen, bai oinezkoentzat, bai tokiko merkataritzarentzat.

Konpondu beharreko erronkak
Aurrerapenak aurrerapen, erronka garrantzitsuek jarraitzen dute, hala nola kolektibo ahulak egokitzea, garraio publikoaren sarea indartzeko eta erakundeen komunikazioa hobetzeko beharra, eta ibilgailuak berritzea erraztuko duten laguntza ekonomikoak ezartzea.

Eredu erreplikagarria
Bere muga geografikoetatik haratago, Bilboko esperientziak beste hiri batzuentzako erreferentzia bat eskaintzen du. ZBEk hiri-espazioaren erabilera eta herritarrek mugikortasunarekin duten harremana arautu ez ezik, birdefinitu ere egiten du.

Lorpen horiek sendotzea eta ZBE inklusiboagoa eta eraginkorragoa eraikitzea da egungo erronka.